Lizandra Winter is besig met groot dinge

Hoendervleismooi is die perfekte woord om Lizandra Winter se splinternuwe enkelsnit op te som. Die Begin bou voort op die sukses van haar eerste amptelike solo-snit en musiekvideo, Fluister, wat nie net deel was van die 2016-lokettreffer, Vir Altyd, se klankbaan nie, maar ook steeds gereeld speeltyd kry oor die radio en op die kassie.

Volgens haar, gaan hierdie Pop-Rock-treffer daaroor dat ’n mens so vasgevang word in die gejaag van die lewe, dat jy vergeet wat regtig belangrik is. “Ek sê altyd vir my man dat ek nie vir eendag wil leef nie en tog vang ek myself so baie dat ek toelaat dat ‘môre’ die skoonheid van vandag steel. Ek het die lied geskryf om myself te herinner dat die tyd soms moet stilstaan, en ek myself moet verloor in die oomblik.

Ook dat geld nie geluk kan koop nie. Die lied het ’n goedvoel-verwerking waarby die meeste luisteraars sal aanklank vind,” vertel sy opgewonde. “In vandag se tyd is dit die norm dat, terwyl jy besig is met een ding, jy alreeds besig is om aan die volgende een te dink. Dan mis jy so maklik die mooi van die hier en nou. Die eenvoudige goedjies wat werklik saakmaak.”

Haar selfgetitelde Afrikaanse debuut-album word binnekort bekendgestel en sluit ’n spesiale duet van die Christa Steyn-treffer, Ek wil vir jou, in saam met sangsensasie, Joshua na die Reën, wat beloof om selfs die kritieste oor te beïndruk.

Loer hier onder na ‘n musiekvideo van haar treffer:- Lizandra Winter – Fluister

Enjoyed this post? Share it!

 

Leave a comment

This site uses Akismet to reduce spam. Learn how your comment data is processed.